O presidente do Partido Popular, Mariano Rajoy, apostou hoxe por promover o emprego de calidade e a contención de prezos. O obxectivo, segundo destacou, será conseguir o pleno emprego. Rajoy tamén anunciou que, se gaña as eleccións, creará unha Unidade de Información e Seguimento dos Prezos, dependente do Ministerio de Economía, para que as autoridades de competencia coñezan de forma completa e exhaustiva a evolución dos prezos nos distintos sectores.
Así, defendeu a necesidade de aumentar progresivamente as cifras de emprego na próxima lexislatura. A finais de 2011, a taxa de paro debería situarse no 6,5% cunha importante converxencia entre as taxas de emprego feminino e masculino e entre as distintas Comunidades Autónomas. A meta, segundo anunciou, será crear 2.200.000 postos de traballo nos próximos catro anos e elevar a taxa de actividade feminina ata o 68% en 2011.
Na clausúra da Conferencia Nacional de Economía e Emprego do PP, Rajoy situou como obxectivo lograr o pleno emprego. Para iso, é necesario conseguir a igualdade entre homes e mulleres, novas e maiores. Así, anunciou que o PP traballará para crear, a partir do 9 de marzo, 400.000 prazas de gardería para lograr que a conciliación da vida persoal, familiar e laboral sexa unha realidade.
Así mesmo, realizarase un esforzo en formación para que os traballadores conten con maiores oportunidades laborais ao longo de toda a vida.
1 comentario:
Hola! Me gustaría promocionar un poco mi blog ya que creo que su contenido es bueno y esta es la única forma que se me ocurre para dártelo a conocer.
Se trata de un blog sobre Santiago de compostela, el Santiago del s.XXI, en el que se cuenta un poco cómo puede estar la ciudad en unos años, como está actualmente, y cuáles son los problemas y cómo se podrían solucionar, algo que podría ayudar también a otras ciudades, ya que muchas comparten problemas hoy en día.
Espero tu visita. Un saludo!
Publicar un comentario